1 апрельдә «Яз гүзәле» мәдәни-агарту проектында катнашучылар Муса Җәлил музей-фатирында булдылар. Чувашия, Удмуртия, Башкортстан республикалары, Владимир, Мәскәү, Ярославль, Түбән Новгород, Самара, Оренбург, Төмән, Пенза, Ульян өлкәләреннән килгән татар кызлары музей экспозициясе буенча экскурсия тыңладылар, сорауларына җаваплар алдылар. Соңрак конкурсның интеллектуаль этабына күчтеләр, оештыручылар әзерләгән биремнәрне эшләделәр.
Проект кысаларында катнашучылар татар халкының рухи мирасы өлкәсендә белемнәрен камилләштерәләр, милли мәдәниятнең байлыгы белән танышалар һәм татар традицияләренең үзенчәлекле дөньясына чумалар.
Бу проектта катнашуыбызга без дә бик шат булдык!
Уңышлар сезгә, кызлар!